aThk 2:16; Pc 46:13
bMs 32:41
cThk 2:13; Tp 31:17
dTp 32:37
eJos 24:23; 1Sa 3:18; Isa 63:9
fThk 11:8, 9, 29

Judges 10

Tola

1Abimelech khit ciangin Israel honkhia dingin Issachar mipa, Dodo tapa Puah, Puah tapa Tola a khang hi. Amah Ephraim mualtung gam sung Shamir ah a teng hi. 2Amah in kum sawmnih le thum sung Israel makaih a in tua ciangin si a Shamir ah kivui hi. a

Jair

3 Ama zomah Gilead-te Jair in Israel-te kum sawmnih le kumnih sung a makaih hi. 4Amah in laa sawmthum a tuang tapa sawmthum a nei hi. Amaute in Gilead sunga om tuni donga Havvoth Jair b a kici khuapi sawmthumte a uk uh hi. 5Jair a sih ciangin Kamon ah kivui hi. b

Jephthah

6 TOPA mit ah Israel-te gamtatsia leuleu uh hi. Amaute in Baal le Ashtoreth-te le Aram’ pasiante, Sidon’ pasiante, Moab’ pasiante Ammon pasiante le Philistia-te’ pasiante’ na a sem uh hi. Israel-te in TOPA taisan uh a, ama na a sep nawn loh uh ciangin 7amaute tungah a heh mahmah hi. Amah in Philistia-te le Ammon-te tungah amaute zuaka, 8tua kumin amaute a kisiazan gawp uh hi. Amaute in Jordan nisuahna-lam Amor-te gam sung Gilead a om Israel-te khempeuh kum sawm le giat sung a nuainet uh hi. 9Judah, Benjamin le Ephraim innkuante sim dingin Ammon-te Jordan gal nangawn ah kah uh a; Israel-te lungdong mahmah uh hi. 10Tua ciangin Israel in TOPA tungah, “Nang tungah kong mawh khin uh a ka Pasian uh hong taisanin Baal-te’ na ka sem uh hi,” ci-in a kiko uh hi. c

11 TOPA in, “Egypt-te, Amor-te, Ammon-te, Philistia-te 12Sidon-te, Amalek-te le Maon-te c in hong nuainet uh a, huh ding ngenin nong kiko uh ciangin amaute khut panin hong honkhia lo ka hi hiam? 13Ahi hangin kei nong taisan uh a, pasian dangte na na sem uh hi; tua ahi ciangin kong honkhia nawn kei ding hi. 14Pai unla na pasian dingua na teelte uh va ko un. Na lungkham uh ciangin amaute kihonkhiasak un!” ci-in a dawng hi. d

15 Ahi hangin Israel-te in TOPA kiangah, “Ka mawh khin uh hi. Ko adingin a hoih pena na ngaihsut bangin hong bawl inla, ahi zongin nong hehpihna-in kote tu-in hong hukhia in,” a ci uh hi. 16Tua ciangin amaute laka a pasiante uh paikhia-in TOPA’ na a sem uh hi. Tuateh amah in Israel’ gimthuakna a thuakzo nawn kei hi. e

17 Ammon-te galvan tawh kithawi-in Gilead ah giahphual sat dingin a kisap ciangin, Israel-te kikaikhawm in Mizpah ah giahphual a sat uh hi. 18Gilead makaite khat le khat, “Ammon-te sim dinga a kipan ngam peuhpeuh Gilead a tengte’ lutang a suak ding hi,” a kici uh hi. f

Copyright information for ZomZIV